" ਕਾਵਿ-ਕਣੀਆਂ "

ਬਦਲ ਦਿੱਤਾ ਤੈਨੂੰ ਵੀ ਬਦਲ ਦਿੱਤਾ ਤੈਨੂੰ ਵੀ , ਬਦਲਦੇ ਹਾਲਾਤਾਂ ਨੇ ਕਰ ' ਤੇ ਪਰਾਏ ਯਾਰ , ਮੋਏ ਜਜ਼ਬਾਤਾਂ ਨੇ ਬਦਲ ਦਿੱਤਾ ਤੈਨੂੰ ਵੀ , ਬਦਲਦੇ ਹਾਲਾਤਾਂ ਨੇ ਨਾਲ਼ ਰਹਿੰਦਾ ਪਰਛਾਵਾਂ , ਬੀਤੇ ਦੀਆਂ ਯਾਦਾਂ ਦਾ ਪਿਆ ਨਾ ਫਰਕ ਕੁਝ , ਕਾਲ਼ੀਆਂ ਵੀ ਰਾਤਾਂ ਨੇ ਬਦਲ ਦਿੱਤਾ ਤੈਨੂੰ ਵੀ , ਬਦਲਦੇ ਹਾਲਾਤਾਂ ਨੇ ਅਜੇ ਵੀ ਜ਼ਿਹਨ ਵਿੱਚ , ਪੈੜ ਬਚੇ ਟਾਵੀਂ ਟਾਵੀਂ ਨੈਣਾਂ ' ਚੋਂ ਹੜ੍ਹਾਏ ਨਕਸ਼ , ਐਪਰ ਬਰਸਾਤਾਂ ਨੇ ਬਦਲ ਦਿੱਤਾ ਤੈਨੂੰ ਵੀ , ਬਦਲਦੇ ਹਾਲਾਤਾਂ ਨੇ ਚਾਨਣ ਚੁਰਾ ਕੇ ਗਿਓਂ , ਦੂਰ ਮੇਰੇ ਹਿੱਸੇ ਦਾ ਰਾਤਾਂ ਜੇਹੀਆਂ ਹੋਈਆਂ ਹੁਣ , ਯਾਰਾ ਪਰਭਾਤਾਂ ਨੇ ਬਦਲ ਦਿੱਤਾ ਤੈਨੂੰ ਵੀ , ਬਦਲਦੇ ਹਾਲਾਤਾਂ ਨੇ ਦਿਲ ਵਾਲ਼ੇ ਬੂਹੇ ਉੱਤੇ , ਜਿੰਦੇ ਅਸੀਂ ਮਾਰ ਲਏ ਚੁੱਪ ਨਾਲ਼ ਚੁੱਪ - ਚਾਪ , ਨਿੱਤ ਮੁਲਾਕਾਤਾਂ ਨੇ ਬਦਲ ਦਿੱਤਾ ਤੈਨੂੰ ਵੀ , ਬਦਲਦੇ ਹਾਲਾਤਾਂ ਨੇ ਰੁੜੀਆਂ ਇਛਾਵਾਂ ਉਦੋਂ , ਖਾਰੇ ਖਾਰੇ ਪਾਣੀ ਵਿੱਚ ਦੋਸਤਾਂ ਤੋਂ ਜਦੋਂ ਦੀਆਂ , ਮਿਲੀਆਂ ਸੌਗਾਤਾਂ ਨੇ ਬਦਲ ਦਿੱਤਾ ਤੈਨੂੰ ਵੀ , ਬਦਲਦੇ ਹਾਲਾਤਾਂ ਨੇ ਖਿੰਡ - ਪੁੰਡ ਗਈਆਂ ਰੀਝਾਂ , ਸੱਧਰਾਂ ਨੂੰ ਪਿਆ ਸੋਕਾ ਕੀਤਾ ਏ ਹੈਰਾਨ ' ਕੰਗ ', ਇਨ੍ਹਾਂ ਕਰਾਮਾਤਾਂ ਨੇ