Posts

Showing posts with the label ਗੀਤ

ਓਹਦੇ ਦਿਲ ਵਿੱਚ ਕੀ - ਗੀਤ

ਓਹਦੇ ਦਿਲ ਵਿੱਚ ਕੀ ਦੇਖ ਦੇਖ ਕੇ, ਹੱਸਦੀ ਏ ਓਹ, ਅੱਖੀਆਂ 'ਚੇ ਹਾਏ, ਵੱਸਦੀ ਏ ਓਹ ਹੋ ਗਈ ਵੱਸੋਂ ਬਾਹਰੀ ਗੱਲ ਹੁਣ, ਲੱਗਦਾ ਨਾ ਮੇਰਾ ਜੀਅ ਕਾਸ਼ ਮੈਨੂੰ ਹੁਣ ਓਹ ਵੀ ਦੱਸ ਦਏ, ਓਹਦੇ ਦਿਲ ਵਿੱਚ ਕੀ ਹਾਂ, ਓਹਦੇ ਦਿਲ ਵਿੱਚ ਕੀ ਓਹ ਰੱਬਾ ਓਹਦੇ ਦਿਲ ਵਿੱਚ ਕੀ ਵਾਲ਼ ਸੁਨਹਿਰੀ, ਰੰਗ ਦੁਪਹਿਰੀ, ਅੱਖੀਆਂ ਨੀਲਾ ਸਾਗਰ ਨੇ, ਤੁਰਦੀ ਏ ਜਦੋਂ, ਮੋਰ ਝੂਮਦੇ, ਪਤਲਾ ਲੱਕ ਜਿਓਂ ਗਾਗਰ ਏ ਓਹਦੇ ਬਿਨ ਮੇਰੀ ਉਮਰ ਹੈ ਥੋੜੀ, ਰੱਬ ਬਣਾ ਦਏ ਸਾਡੀ ਜੋੜੀ ਆ ਜਏ ਰੁੱਤ ਵਸਲ ਦੀ ਹੁਣ ਤਾਂ, ਹਿਜਰ 'ਚ ਰੱਖਿਆ ਕੀ ਕਾਸ਼ ਮੈਨੂੰ ਹੁਣ ਓਹ ਵੀ ਦੱਸ ਦਏ, ਓਹਦੇ ਦਿਲ ਵਿੱਚ ਕੀ ਹਾਂ, ਓਹਦੇ ਦਿਲ ਵਿੱਚ ਕੀ ਓਹ ਰੱਬਾ ਓਹਦੇ ਦਿਲ ਵਿੱਚ ਕੀ ਕੋਈ ਅਰਸ਼ਾਂ ਦੀ, ਪਰੀ ਵੀ ਯਾਰੋ, ਓਹਦੇ ਰੂਪ ਨੂੰ ਝੱਲਦੀ ਨਹੀਂ, ਤਾਰੇ ਚੰਦ ਤੇ, ਸੂਰਜ ਵੀ ਹਾਏ, ਓਹਦੇ ਸਾਹਵੇਂ ਕੁਝ ਵੀ ਨਹੀਂ ਓਹ ਮੇਰੀ ਤਕਦੀਰ ਜੇ ਬਣ ਜਏ, ਖ਼ਾਬਾਂ ਦੀ ਤਾਮੀਰ ਜੇ ਬਣ ਜਏ ਸਾਰੀ ਕੁੜੱਤਣ ਇਸ ਜ਼ਿੰਦਗੀ ਦੀ, ਮੈਂ ਜਾਊਂ ਗਾ ਪੀ ਕਾਸ਼ ਮੈਨੂੰ ਹੁਣ ਓਹ ਵੀ ਦੱਸ ਦਏ, ਓਹਦੇ ਦਿਲ ਵਿੱਚ ਕੀ ਹਾਂ, ਓਹਦੇ ਦਿਲ ਵਿੱਚ ਕੀ ਓਹ ਰੱਬਾ ਓਹਦੇ ਦਿਲ ਵਿੱਚ ਕੀ ਰੱਬ ਦੀ ਰਹਿਮਤ, ਹੋ ਜਾਵੇ ਜੇ, ਯਾਰ ਵੀ ਹੋ ਸਹਿਮਤ ਹੋ ਜਾਊਗਾ 'ਕੰਗ' ਦੇ ਖ਼ਾਬੀਂ, ਸੱਚੇ ਸੁਪਨੇ, ਸੱਚ ਵੀ ਨਿਹਮਤ ਹੋ ਜਾਊਗਾ 'ਕਮਲ' ਨੂੰ ਰਾਹੇ ਪਾ ਜਾ ਆ ਕੇ, ਰੂਹ ਨੂੰ ਚੈਨ ਦਿਵਾ ਜਾ ਆ ਕੇ ਕਈ ਜਨਮਾਂ ਦੀ ਜ਼ਿੰਦ ਤੜਫ਼ਦੀ, ਤੇਰੇ ਹਿਜਰ 'ਚ ਨੀ ਕਾਸ਼

ਇਸ਼ਕੇ ਦਾ ਰੋਗ - ਗੀਤ

ਇਸ਼ਕੇ ਦਾ ਰੋਗ ਦਰਦ ਵਿਛੋੜੇ ਦਾ ਹਾਏ ਉਹ ਹੀ ਜਾਣੇਂ,  ਜਿਹੜਾ ਰਾਤ ਵਸਲ ਦੀ ਮਾਣਦਾ ਏ  ਬਿਨ ਤੇਰੇ ਵੇ ਕੀ ਕੀ ਗੁਜ਼ਰੀ,  ਬੱਸ ਮੇਰਾ ਹੀ ਦਿਲ ਇਹ ਜਾਣਦਾ ਏ। ਅੱਖੀਆਂ ਮਿਲਾਉਣੇ ਵਾਲਾ,  ਨੀਂਦਰਾਂ ਚੁਰਾ ਗਿਆ  ਇਸ਼ਕੇ ਦਾ ਰੋਗ ਮੇਰੇ,  ਹੱਡਾਂ ਤਾਈਂ ਲਾ ਗਿਆ ਕੀਤਾ ਏ ਪਿਆਰ ਚੰਨਾ, ਕੀਤਾ ਨਹੀਂ ਕਸੂਰ ਵੇ  ਦਿਲ ਦੇ ਤੂੰ ਨੇੜੇ ਨੇੜੇ, ਅੱਖੀਆਂ ਤੋਂ ਦੂਰ ਵੇ  ਦਰਦ ਜੁਦਾਈ ਵਾਲਾ, ਝੋਲ਼ੀ ਵਿੱਚ ਪਾ ਗਿਆ  ਇਸ਼ਕੇ ਦਾ ਰੋਗ ਮੇਰੇ ਹੱਡਾਂ ਤਾਈਂ ਲਾ ਗਿਆ ਹੰਝੂਆਂ ਦੇ ਸਾਗਰਾਂ `ਚ, ਨੈਣ ਮੇਰੇ ਡੁੱਬ ਗਏ  ਹਿਜਰਾਂ ਦੇ ਤੀਰ ਮੇਰੇ, ਕਾਲ਼ਜੇ `ਚ ਖੁੱਭ ਗਏ ਯਾਦਾਂ ਦੀ ਤੂੰ ਸੂਲ਼ੀ ਉਤੇ, ਮੈਨੂੰ ਲਟਕਾ ਗਿਆ  ਇਸ਼ਕੇ ਦਾ ਰੋਗ ...... ਸੋਹਲ ਜਿਹੀ ਜ਼ਿੰਦ ਨੂੰ ਤੂੰ, ਫਿਕਰਾਂ `ਚ ਪਾਈਂ ਨਾ  ਚਾਅ ਮੇਰੇ ਸੱਜਣਾਂ ਵੇ, ਮਿੱਟੀ `ਚ ਮਿਲਾਈਂ ਨਾ  ਜਾਪਦਾ ਤੂੰ ਜਿਵੇਂ ਸੇਜ ਸੂਲ਼ਾਂ ਦੀ ਵਿਛਾ ਗਿਆ  ਇਸ਼ਕੇ ਦਾ ਰੋਗ..... ਸਾਉਣ ਦਾ ਮਹੀਨਾ ਪਵੇ, ਅੰਬੀਆਂ ਨੂੰ ਬੂਰ ਵੇ  ਅਸੀਂ ਤਾਂ ‘ਕਮਲ` ਹੋਏ, ਬੈਠੇ ਮਜਬੂਰ ਵੇ  ਲੰਮੀਆਂ ਤਰੀਖਾਂ ‘ਕੰਗ` ਦੱਸ ਕਾਹਤੋਂ ਪਾ ਗਿਆ  ਇਸ਼ਕੇ ਦਾ ਰੋਗ... ੬ ਜੂਨ ੨੦੦੩ ਕਮਲ ਕੰਗ

ਆਦਤ - ਗੀਤ

ਆਦਤ ਫੁੱਲ ਕਿੰਨੇ ਹੋਰ ਮਧੋਲ਼ੇਂ ਗੀ ਦਿਲ ਕਿੰਨੇ ਹੋਰ ਤੂੰ ਤੋੜੇਂ ਗੀ ਕਿਹੜੇ ਅੰਬਰੀਂ, ਕਿਹੜੀ ਦੁਨੀਆਂ,  ਚੇ ਤੂੰ ਹੁਣ ਨੀ ਜਾ ਕੇ ਬਹਿ ਗਈ  ਤੈਨੂੰ ਨਾਲ ਦਿਲਾਂ ਦੇ ਖੇਡਣ ਦੀ,  ਕਿਉਂ ਆਦਤ ਪੈ ਗਈ… ਪਿਆਰ ਮੁਹੱਬਤ, ਤੇਰੇ ਲਈ ਤਾਂ,  ਲਫ਼ਜਾਂ ਤੋਂ ਵੱਧ ਕੁਝ ਵੀ ਨਹੀਂ  ਛੱਲੇ ਮੁੰਦੀਆਂ, ਵਾਅਦੇ ਕਸਮਾਂ,  ਕੀ ਉਹ ਮਨ ਪਰਚਾਵਾ ਸੀ?  ਆਪਣੇ ਸ਼ੌਂਕ ਅਵੱਲਿਆਂ ਦੇ ਲਈ,  ਹਾਸੇ ਸਾਡੇ ਖੋਹ ਕੇ ਲੈ ਗਈ  ਤੈਨੂੰ ਨਾਲ ਦਿਲਾਂ ਦੇ ਖੇਡਣ ਦੀ,  ਕਿਉਂ ਆਦਤ ਪੈ ਗਈ… ਜਾਣ ਲੱਗੀ ਇਹ, ਯਾਦ ਵੀ ਆਪਣੀ,  ਸਾਥੋਂ ਹਾਏ ਤੂੰ ਲੈ ਜੇ ਜਾਂਦੀ  ਸਾਰੀ ਜ਼ਿੰਦਗੀ, ਤੇਰੇ ਵਾਂਗਰ,  ਸਾਨੂੰ ਹੁਣ ਇਹ ਰਊ ਗੀ ਖਾਂਦੀ  ਹਾਰ ਗਏ ਸ਼ਤਰੰਜ ਅਸੀਂ ਤਾਂ,  ਇਸ਼ਕ ਦੀ ਬਾਜ਼ੀ ਤੂੰ ਹੀ ਲੈ ਗਈ  ਤੈਨੂੰ ਨਾਲ ਦਿਲਾਂ ਦੇ ਖੇਡਣ ਦੀ,  ਕਿਉਂ ਆਦਤ ਪੈ ਗਈ… ਕੱਲ ਸੀ ਤੇਰਾ, ‘ਕੰਗ’ ਦੇ ਨਾਮੇ,  ਅੱਜ ਹੋਣਾ ਕਿਸੇ ਹੋਰ ਦੇ ਨਾਮੇ  ਕੱਲ ਨੂੰ ਹੋਣੇ, ਹੋਰ ਸ਼ਿਕਾਰ ਦੇ,  ਤੇਰੇ ਪਿੰਜਰੇ ਤੇ ਸਿਰਨਾਮੇ  ਸਾਹਾਂ ਵਰਗੀਏ ਮੌਤ ਤੂੰ ਬਣਕੇ,  ਅੱਜ ‘ਕਮਲ’ ਦੀ ਹਿੱਕੇ ਬਹਿ ਗਈ  ਤੈਨੂੰ ਨਾਲ ਦਿਲਾਂ ਦੇ ਖੇਡਣ ਦੀ,  ਕਿਉਂ ਆਦਤ ਪੈ ਗਈ… ਕਮਲ ਕੰਗ 13 ਜੁਲਾਈ 2005

ਕਿਸਾਨ ਜਿੱਤਿਆ - ਗੀਤ

ਤੇਰੀ ਹਾਰ ਗਈ ਏ ਦਿੱਲੀ ਵੇਖ ਮੋਦੀਆ, ਜੰਗ ਤਾਂ ਕਿਸਾਨ ਜਿੱਤਿਆ ਲੱਕ ਤੋੜ ਦਿੱਤਾ ਤੇਰੀ ਸੌੜੀ ਸੋਚ ਦਾ, ਜੰਗ ਇਨਸਾਨ ਜਿੱਤਿਆ ਐਨਾ ਕਰੀ ਦਾ ਨਹੀਂ ਕਦੇ ਵੀ ਹੰਕਾਰ ਜ਼ਾਲਮਾਂ, ਸਾਨੂੰ ਅੰਬਰਾਂ ਤੋਂ ਹੇਠਾਂ ਬਾਜ਼ ਲਾਹੁਣੇ ਆਉਂਦੇ ਆ ਜਿਹੜਾ ਭੁੱਲ ਜਾਵੇ ਆਪਣੀ ਔਕਾਤ ਵੈਰੀਆ, ਓਹਦੇ ਗਲ਼ਮੇਂ ਚੇ ਹੱਥ ਸਾਨੂੰ ਪਾਉਣੇ ਆਉਂਦੇ ਆ ਹੋਈ ਹਾਰ ਹੈ ਮੋਦੀ ਦੇ ਕੋਰੇ ਝੂਠ ਦੀ, ਸੱਚ ਸ਼ਰੇਆਮ ਜਿੱਤਿਆ ਲੱਕ ਤੋੜ ਦਿੱਤਾ ਤੇਰੀ ਸੌੜੀ ਸੋਚ ਦਾ, ਜੰਗ ਇਨਸਾਨ ਜਿੱਤਿਆ ਜੰਗ ਓਏ ਕਿਸਾਨ ਜਿੱਤਿਆ.... ਕੁੱਤੀ ਰਲ਼ ਕੇ ਚੋਰਾਂ 'ਨ ਜੇੜ੍ਹੀ ਪਾੜ ਪਾਉਂਦੀ ਸੀ, ਅੱਜ ਕਰਨੋਂ ਵੀ ਵੇਖੋ ਚੂੰ-ਚਾਂ ਹੱਟ ਗਈ ਜੜ੍ਹ ਆਪਣੀ ਤਾਂ ਲੋਕਾਂ ਤੋਂ ਪਟਾਉਣੀ ਵੱਖਰੀ, ਕਈ ਲੂੰਬੜਾਂ ਨੂੰ ਆਪਣੇ ਵੀ ਨਾਲ਼ ਪੱਟ ਗਈ ਘਰ ਕਿਰਤੀ ਬਚਾਇਆ 'ਕੰਗ' ਆਪਣਾ, ਲੋਕਾਂ ਦਾ ਤੂਫ਼ਾਨ ਜਿੱਤਿਆ ਲੱਕ ਤੋੜ ਦਿੱਤਾ ਤੇਰੀ ਸੌੜੀ ਸੋਚ ਦਾ, ਜੰਗ ਇਨਸਾਨ ਜਿੱਤਿਆ ਜੰਗ ਓਏ ਕਿਸਾਨ ਜਿੱਤਿਆ.... ਜੰਗਾਂ ਰਹਿੰਦੀਆਂ ਨੇ ਲੜਨੇ ਲਈ ਅਜੇ ਸੋਹਣਿਓਂ, ਅਜੇ ਹੰਭਲੇ ਅਸੀਂ ਨੇ ਬੜੇ ਹੋਰ ਮਾਰਨੇ ਕੁਝ ਚੰਡਣੇ ਨੇ ਓਹ ਵੀ ਜਿਹੜੇ ਲੁਕ ਕੇ ਖੜ੍ਹੇ, ਬਾਕੀ ਮਨਾਂ ਵਿੱਚ ਬੈਠੇ ਪੰਜ ਚੋਰ ਮਾਰਨੇ ਤੁਸੀਂ ਸਭ ਹੋ ਸਿਆਣੇ ਉਂਝ 'ਕਮਲ' ਦੇ ਨਾਲੋਂ, ਸੱਚ ਤੇ ਇਮਾਨ ਜਿੱਤਿਆ ਲੱਕ ਤੋੜ ਦਿੱਤਾ ਤੇਰੀ ਸੌੜੀ ਸੋਚ ਦਾ, ਜੰਗ ਇਨਸਾਨ ਜਿੱਤਿਆ ਤੇਰੀ ਹਾਰ ਗਈ ਏ ਦਿੱਲੀ ਵੇਖ ਮੋਦੀਆ, ਜੰਗ ਤਾਂ ਕਿਸਾਨ ਜਿੱਤਿਆ ਜੰਗ ਓਏ ਕਿਸਾਨ ਜਿੱਤਿਆ ਜੰਗ ਹੈ ਜ

ਸੁਣਿਆ ਹੁਣ ਪਿੰਡ ਦੇ ਗੱਭਰੂ.... ਗੀਤ

ਸੁਣਿਆ ਹੁਣ ਪਿੰਡ ਦੇ ਮੁੰਡੇ, ਦਿੱਲੀ ਦਬਕਾਉਂਦੇ ਨੇ, ਇੱਕੀਆਂ ਦੇ ਕਹਿੰਦੇ 'ਕੱਤੀ, ਪਾਉਣੇ ਵੀ ਆਉਂਦੇ ਨੇ, ਸੁਣਿਆ ਮੇਰੇ ਪਿੰਡ ਦੇ ਗੱਭਰੂ.... ਸ਼ੇਰਾਂ ਨੇ ਘੇਰ ਲਈ ਦਿੱਲੀ, ਬੈਠੀ ਜਿਉਂ ਭਿੱਜੀਓ ਬਿੱਲੀ ਕਹਿੰਦੇ ਇੱਕ ਪਾਸਾ ਕਰਨਾ, ਗਿੱਦੜ ਘਬਰਾਉਂਦੇ ਨੇ ਸੁਣਿਆ ਹੁਣ ਪਿੰਡ ਦੇ ਮੁੰਡੇ, ਦਿੱਲੀ ਦਬਕਾਉਂਦੇ ਨੇ ਸੁਣਿਆ ਬਈ ਪਿੰਡ ਦੇ ਗੱਭਰੂ... ਜ਼ਾਲਮ ਨੇ ਅੱਤ ਸੀ ਚੁੱਕੀ, ਚੋਰਾਂ ਨਾਲ ਰਲ਼ ਗਈ ਕੁੱਤੀ ਖੇਤਾਂ ਦਾ ਹੋਇਆ ਏਕਾ, ਵਾੜਾਂ ਨੂੰ ਢਾਹੁੰਦੇ ਨੇ ਸੁਣਿਆ ਹੁਣ ਪਿੰਡ ਦੇ ਮੁੰਡੇ, ਦਿੱਲੀ ਦਬਕਾਉਂਦੇ ਨੇ ਸੁਣਿਆ ਮੇਰੇ ਪਿੰਡ ਦੇ ਗੱਭਰੂ... ਵੰਡ ਕੇ ਹੈ ਛਕਣਾ ਸਿੱਖਿਆ, ਕੰਗ ਨੇ ਵੀ ਸੱਚ ਹੀ ਲਿਖਿਆ ਹੱਕਾਂ ਨੂੰ ਲੈ ਕੇ ਮੁੜਨਾ, ਯੋਧੇ ਫੁਰਮਾਉਂਦੇ ਨੇ ਸੁਣਿਆ ਹੁਣ ਪਿੰਡ ਦੇ ਮੁੰਡੇ, ਦਿੱਲੀ ਦਬਕਾਉਂਦੇ ਨੇ ਸੁਣਿਆ ਮੇਰੇ ਪਿੰਡ ਦੇ ਗੱਭਰੂ, ਦਿੱਲੀ ਦਬਕਾਉਂਦੇ ਨੇ ਇੱਕੀਆਂ ਦੇ ਕਹਿੰਦੇ'ਕੱਤੀ, ਪਾਉਣੇ ਵੀ ਆਉਂਦੇ ਨੇ ਸੁਣਿਆ ਹੁਣ ਪਿੰਡ ਦੇ ਮੁੰਡੇ.... ਕਮਲ ਕੰਗ ੭ ਜਨਵਰੀ ੨੦੨੧

ਗੀਤ - ਮੇਰੇ ਸ਼ਹਿਰ ਵਿੱਚ ਤੇਰਾ ਸਤਿਕਾਰ ਦੋਸਤਾ....

ਮੇਰੇ ਸ਼ਹਿਰ ਵਿੱਚ ਤੇਰਾ, ਸਤਿਕਾਰ ਦੋਸਤਾ ਦੇਵਾਂ ਤੇਰੇ ਉਤੋਂ ਵੇ ਮੈਂ ਜਾਨ, ਵਾਰ ਦੋਸਤਾ ਤੇਰੇ ਪੈਰਾਂ ਹੇਠ ਫੁੱਲ ਯਾਰਾ, ਖੁਸ਼ੀ ਦੇ ਵਿਛਾਵਾਂ ਮੈਂ ਤੇਰੀ ਪੈੜ ਵਾਲੀ ਮਿੱਟੀ ਚੁੱਕ ਮੱਥੇ ਨੂੰ ਛੁਹਾਵਾਂ ਮੈਂ ਤੇਰੇ ਆਉਣ ਨਾਲ ਆ ਗਈ ਏ, ਬਹਾਰ ਦੋਸਤਾ ਮੇਰੇ ਸ਼ਹਿਰ ਵਿੱਚ ਤੇਰਾ, ਸਤਿਕਾਰ ਦੋਸਤਾ ਦੇਵਾਂ ਤੇਰੇ ਉਤੋਂ ਵੇ ਮੈਂ ਜਾਨ, ਵਾਰ ਦੋਸਤਾ ਵਰਿੵਅਾਂ ਤੋਂ ਪਈਆਂ ਸੀ ਇਹ ਨਜ਼ਰਾਂ ਪਿਆਸੀਆਂ ਸੱਧਰਾਂ ਦੇ ਮੁੱਖੜੇ ਤੇ ਛਾਈਆਂ ਸੀ ਉਦਾਸੀਆਂ ਹੁਣ ਲੱਗੇ ਜਾਊ ਬਦਲੀ, ਨੁਹਾਰ ਦੋਸਤਾ ਮੇਰੇ ਸ਼ਹਿਰ ਵਿੱਚ ਤੇਰਾ, ਸਤਿਕਾਰ ਦੋਸਤਾ ਦੇਵਾਂ ਤੇਰੇ ਉਤੋਂ ਵੇ ਮੈਂ ਜਾਨ, ਵਾਰ ਦੋਸਤਾ ਪੁੱਛਦੀ ਹਵਾ ਸੀ ਮੈਂਨੂੰ, ਕਿੱਥੇ ਤੇਰਾ ਫੁੱਲ ਵੇ ਕਰਦਾ ਏ ਯਾਦ ਤੈਨੂੰ ਜਾਂ ਉਹ ਗਿਆ ਭੁੱਲ ਵੇ ਪਰ ਤੇਰੇ ਸੱਚੇ, ਕੌਲ ਤੇ, ਕਰਾਰ ਦੋਸਤਾ ਮੇਰੇ ਸ਼ਹਿਰ ਵਿੱਚ ਤੇਰਾ, ਸਤਿਕਾਰ ਦੋਸਤਾ ਦੇਵਾਂ ਤੇਰੇ ਉਤੋਂ ਵੇ ਮੈਂ ਜਾਨ, ਵਾਰ ਦੋਸਤਾ ਬਿਰਖਾਂ ਦੇ ਗਲ ਲੱਗ, ਰੋਇਆ ਤੇਰੇ ਮਗਰੋਂ ਮੈਂ ਟੁੱਟੇ ਟਾਹਣਾਂ ਵਾਗੂੰ ਜਦੋਂ ਮੋਇਆ ਤੇਰੇ ਮਗਰੋਂ ਮੈਂ ਕਿਸੇ ਤੇਰੇ ਜਿਹਾ ਦਿੱਤਾ ਨਾ, ਪਿਆਰ ਦੋਸਤਾ ਮੇਰੇ ਸ਼ਹਿਰ ਵਿੱਚ ਤੇਰਾ, ਸਤਿਕਾਰ ਦੋਸਤਾ ਦੇਵਾਂ ਤੇਰੇ ਉਤੋਂ ਵੇ ਮੈਂ ਜਾਨ, ਵਾਰ ਦੋਸਤਾ 'ਕਮਲ' ਨਿਮਾਣੇ ਵਿੱਚ, ਤੇਰਾ ਜੋ ਯਕੀਨ ਏਂ ਤੇਰੇ ਹੀ ਸਹਾਰੇ ਓਦ੍ਹੀ ਜ਼ਿੰਦਗੀ ਹੁਸੀਨ ਏਂ 'ਕੰਗ' ਭੁੱਲਦਾ ਨਹੀਂ ਤੇਰਾ, ਉਪਕਾਰ ਦੋਸਤਾ ਮੇਰੇ ਸ਼ਹਿਰ ਵਿੱਚ ਤੇਰਾ, ਸਤਿਕਾਰ ਦੋਸਤਾ ਦੇਵਾਂ ਤੇਰੇ ਉਤੋਂ ਵੇ ਮੈਂ ਜਾ

ਗੀਤ - ਜਦੋਂ ਦੀ ਤੂੰ....

ਥੋੜ੍ਹ ਵੀ ਨਾ ਰਹੀ ਏ ਤੇ ਮੌਜ ਲੱਗ ਗਈ ਏ ਜਦੋਂ ਦੀ ਤੂੰ ਬਿੱਲੋ ਮੇਰੀ ਬਾਂਹ ਫੜ ਲਈ ਏ ਸੋਹਣਿਆ ਓ ਮੇਰੇ ਮਹਿਰਮਾ, ਮੇਰੇ ਜਾਨੀਆ ਓ ਮੇਰੇ ਰਹਿਬਰਾ ਥੋੜ੍ਹ ਵੀ ਨਾ… ਤੇਰੇ ਨਾਲ ਜ਼ਿੰਦਗੀ'ਚ, ਆ ਗਈਆਂ ਬਹਾਰਾਂ ਨੇ ਰਾਹ ਛੱਡ ਦਿੱਤੇ ਸਾਡੇ, ਅੱਜ ਸਾਰੇ ਖਾਰਾਂ ਨੇ ਨੇਰ ਭਰੇ ਰਾਹਵਾਂ ਵਿੱਚ ਲੋਅ ਚੜ੍ਹ ਪਈ ਏ ਜਦੋਂ ਦੀ ਤੂੰ ਬਿੱਲੋ ਮੇਰੀ ਬਾਂਹ ਫੜ ਲਈ ਏ ਸੋਹਣਿਆ ਓ ਮੇਰੇ ਮਹਿਰਮਾ, ਮੇਰੇ ਜਾਨੀਆ ਓ ਮੇਰੇ ਰਹਿਬਰਾ ਥੋੜ੍ਹ ਵੀ ਨਾ… ਕੱਲ੍ਹ ਸਾਨੂੰ ਕਰਦੀ ਸੀ, ਦੁਨੀਆਂ ਇਹ ਟਿੱਚਰਾਂ ਵਿਹੜਾ ਅੱਜ ਭਰਿਆ ਏ, ਵੇਖ ਕਿੰਝ ਮਿੱਤਰਾਂ ਵੇਖ ਖੁਸ਼ੀਆਂ ਦੀ ਕਿੰਝ ਬਰਸਾਤ ਹੋ ਰਈ ਏ ਜਦੋਂ ਦੀ ਤੂੰ ਬਿੱਲੋ ਮੇਰੀ ਬਾਂਹ ਫੜ ਲਈ ਏ ਸੋਹਣਿਆ ਓ ਮੇਰੇ ਮਹਿਰਮਾ, ਮੇਰੇ ਜਾਨੀਆ ਓ ਮੇਰੇ ਰਹਿਬਰਾ ਥੋੜ੍ਹ ਵੀ ਨਾ… ਪਿਆਰ ਵਿੱਚ ਖੁੱਭ ਖੁੱਭ, ਲਿਖਦਾ ਏ 'ਕੰਗ' ਨੀ ਤੇਰੇ ਆਉਣ ਨਾਲ ਆਏ, ਘਰ ਵਿੱਚ ਰੰਗ ਨੀ ਬਾਦ ਮੁੱਦਤਾਂ ਦੇ ਅੱਜ, ਵੇਖ ਦਾਰੂ ਚੜ੍ਹ ਗਈ ਏ ਜਦੋਂ ਦੀ ਤੂੰ ਬਿੱਲੋ ਮੇਰੀ ਬਾਂਹ ਫੜ ਲਈ ਏ ਸੋਹਣਿਆ ਓ ਮੇਰੇ ਮਹਿਰਮਾ, ਮੇਰੇ ਜਾਨੀਆ ਓ ਮੇਰੇ ਰਹਿਬਰਾ ਥੋੜ੍ਹ ਵੀ ਨਾ… ੨੮ ਮਈ ੨੦੦੫

ਗੀਤ - ਇੱਕ ਤੇਰਾ ਅਹਿਸਾਨ....

ਜਦ ਵੀ ਤੇਰੀ ਯਾਦ ਸਤਾਉਂਦੀ, ਮੈਨੂੰ ਮੇਰੇ ਹੋਸ਼ ਭੁਲਾਉਂਦੀ ਭੁੱਲ ਗਈ ਏਂ ਤੂੰ ਬੇਸ਼ੱਕ ਮੈਨੂੰ, ਮੈਂ ਤੈਨੂੰ ਨਈਂ ਕਦੀ ਭੁਲਾਇਆ ਇੱਕ ਤੇਰਾ ਅਹਿਸਾਨ ਬੜਾ ਏ, ਜਿਹੜਾ ਮੈਨੂੰ ਸ਼ਾਇਰ ਬਣਾਇਆ ਤੂੰ ਰਾਣੀ ਤੇ ਮੈਂ ਸੀ ਰਾਜਾ, ਪਿਆਰ ਦਾ ਸਿਰ ਤੇ ਤਾਜ ਸੀ ਹੁੰਦਾ ਫੁੱਲ ਤੇ ਭੌਰੇ ਵਾਲਾ ਅੜੀਏ, ਸਾਡਾ ਵੀ ਕਦੀ ਸਾਥ ਸੀ ਹੁੰਦਾ ਸਾਭੇਂ ਮੈਂ ਯਾਦਾਂ ਦੇ ਮੋਤੀ, ਕਦੀ ਵੀ ਮੈਂ ਨਾ ਕੋਈ ਗਵਾਇਆ ਭੁੱਲ ਗਈ ਏਂ ਤੂੰ ਬੇਸ਼ੱਕ ਮੈਨੂੰ, ਮੈਂ ਤੈਨੂੰ ਨਈਂ ਕਦੀ ਭੁਲਾਇਆ ਇੱਕ ਤੇਰਾ ਅਹਿਸਾਨ ਬੜਾ ਏ, ਜਿਹੜਾ ਮੈਨੂੰ ਸ਼ਾਇਰ ਬਣਾਇਆ ਅੰਬਰਾਂ ਤੇ ਜਦ ਚਮਕਣ ਤਾਰੇ, ਕਦੀ ਕਦੀ ਕੋਈ ਟੁੱਟ ਜਾਂਦਾ ਏ ਮੇਰੇ ਵਾਗੂੰ ਹੱਸਦਾ ਵੱਸਦਾ, ਕਦੀ ਕਦੀ ਕੋਈ ਲੁੱਟ ਜਾਂਦਾ ਏ ਤੇਰੀ ਯਾਦ ਤੇ ਹੰਝੂ ਮੇਰੇ, ਰਹਿ ਗਿਆ ਹੁਣ ਇਹੀ ਸਰਮਾਇਆ ਭੁੱਲ ਗਈ ਏਂ ਤੂੰ ਬੇਸ਼ੱਕ ਮੈਨੂੰ, ਮੈਂ ਤੈਨੂੰ ਨਈਂ ਕਦੀ ਭੁਲਾਇਆ ਇੱਕ ਤੇਰਾ ਅਹਿਸਾਨ ਬੜਾ ਏ, ਜਿਹੜਾ ਮੈਨੂੰ ਸ਼ਾਇਰ ਬਣਾਇਆ ਤਪਦੇ ਦਿਲ ਨੂੰ ਠਾਰਨ ਦੇ ਲਈ, ਕੌਣ ਹੈ ਅੱਜ ਝਨਾਂਅ ਤਰਦਾ ਖ਼ਤ ਤਸਵੀਰਾਂ ਛੱਲੇ ਮੁੰਦੀਆਂ, ਦਾ ਮੈਂ ਹੁਣ ਦੱਸ ਕੀ ਕਰਦਾ ਰੋੜ੍ਹ ਕੇ ਵਿੱਚ ਮੈਂ ਵਗਦੇ ਪਾਣੀ, ਪਾਣੀ ਦਾ ਘੁੱਟ ਮੂੰਹ ਨੂੰ ਲਾਇਆ ਭੁੱਲ ਗਈ ਏਂ ਤੂੰ ਬੇਸ਼ੱਕ ਮੈਨੂੰ, ਮੈਂ ਤੈਨੂੰ ਨਈਂ ਕਦੀ ਭੁਲਾਇਆ ਇੱਕ ਤੇਰਾ ਅਹਿਸਾਨ ਬੜਾ ਏ, ਜਿਹੜਾ ਮੈਨੂੰ ਸ਼ਾਇਰ ਬਣਾਇਆ ਪਿਆਰ'ਚ ਅਕਲਾਂ ਕੰਮ ਨਾ ਦਿੰਦੀਆਂ, ਨਈਂ ਤਾਂ 'ਕੰਗ' ਕੁਝ ਸੋਚ ਹੀ ਲੈਂਦਾ ਬੇ ਦਰਦੀ ਜਹੇ ਯ

ਗੀਤ - ਆ ਰੂਹਾਂ ਦੀ ....

ਆ ਰੂਹਾਂ ਦੀ ਗੱਲ ਕੋਈ ਕਰੀਏ, ਪਿਆਰ ਦੀ ਆਜਾ ਪੌਡ਼ੀ ਚਡ਼੍ਹੀਏ ਦੁਨੀਆਂ ਕੋਲੋਂ ਹੁਣ ਨਾ ਡਰੀਏ, ਡੂੰਘੇ ਇਸ਼ਕ ਝਨਾਂ ਨੂੰ ਤਰੀਏ ਆ ਰੂਹਾਂ ਦੀ.... ਤੇਰੇ ਦਿਲ ਦਾ ਵਰਕਾ ਵਰਕਾ, ਮੈਂ ਤਾਂ ਅੱਜ ਪਡ਼੍ਹ ਲੈਣਾ ਏਂ ਤੇਰੇ ਨੈਣਾਂ ਵਿੱਚ ਮੈਂ ਡੁੱਬ ਕੇ, ਤੈਨੂੰ ਆਪਣਾ ਕਹਿਣਾ ਏਂ ਖ਼ਾਬ ਭਰੀ ਇਸ ਦੁਨੀਆਂ ਅੰਦਰ, ਸੁੱਚਾ ਸਬਕ ਇਸ਼ਕ ਦਾ ਪਡ਼੍ਹੀਏ ਆ ਖ਼ਾਬਾਂ ਨੂੰ ਆਪਾਂ ਫਡ਼ੀਏ ਆ ਰੂਹਾਂ ਦੀ.... ਸੱਤ ਜਨਮਾਂ ਦੀ ਗੱਲ ਹੈ ਖੋਟੀ, ਸਾਂਝ ਹੈ ਸਾਡੀ ਰੂਹਾਂ ਦੀ ਦੁਨੀਆ ਸਾਡੇ ਲਈ ਹੈ ਛੋਟੀ, ਕੌਣ ਕਰੇ ਗੱਲ ਜੂਹਾਂ ਦੀ ਜੀਣਾ ਮਰਨਾ ਸਾਥ ਅਸਾਡਾ, ਦੁੱਖ ਤੇ ਸੁੱਖ ਨੂੰ ਹੱਸ ਕੇ ਜਰੀਏ ਦੋਂਵੇਂ ਇਕ ਬਰਾਬਰ ਧਰੀਏ ਆ ਰੂਹਾਂ ਦੀ.... 'ਕੰਗ' ਅਮਾਨਤ ਪਿਆਰ ਦੀ ਹੀਰੇ, ਤੇਰੇ ਲੇਖੇ ਲਾ ਦੇਵੇ ਆਪਣਾ ਆਪਾ ਤੇਰੀ ਖਾਤਿਰ, ਤੇਰੇ ਉੱਤੋਂ ਲੁਟਾ ਦੇਵੇ ਇਕ ਦੂਜੇ ਵਿੱਚ ਐਦਾਂ ਖੋਈਏ, ਕਲਬੂਤਾਂ 'ਚੇ ਫਰਕ ਨਾ ਕਰੀਏ ਆਜਾ ਹੁਣ ਨੀ ਆਪਾਂ ਅਡ਼ੀਏ ਆ ਰੂਹਾਂ ਦੀ.... ੧੪ ਫਰਵਰੀ ੨੦੦੮

ਗੀਤ: ਅਸੀਂ ਧਰਤੀ, ਪਾਣੀ ਵੰਡ ਲਏ ਨੇ.....

ਅਸੀਂ ਧਰਤੀ, ਪਾਣੀ ਵੰਡ ਲਏ ਨੇ, ਅਜੇ ਹੋਰ ਕੀ ਵੰਡਣਾ ਬਾਕੀ ਏ ਇਹ ਸਹਿਜ ਸੁਭਾਅ ਦਾ ਕਾਰਾ ਏ, ਜਾਂ ਨਫ਼ਰਤ ਭਰੀ ਚਲਾਕੀ ਏ ਅਸੀਂ ਧਰਤੀ, ਪਾਣੀ..... ਅਸੀਂ ਵੰਡੇ ਗਏ ਵਿੱਚ ਧਰਮਾਂ ਦੇ, ਅਸੀਂ ਵੰਡੇ ਗਏ ਵਿੱਚ ਰੰਗਾਂ ਦੇ ਅਸੀਂ ਜਾਤਾਂ ਦੇ ਵਿੱਚ ਬਿਖਰ ਗਏ, 'ਤੇ ਵੰਡੇ ਗਏ ਵਿੱਚ ਕੰਮਾਂ ਦੇ ਨਹੀਂ ਤੇਲ ਪਾਈਦਾ ਬਲ਼ਦੀ ਤੇ, ਇਹ ਬਹੁਤ ਬੁਰੀ ਗੁਸਤਾਖ਼ੀ ਏ ਅਸੀਂ ਧਰਤੀ, ਪਾਣੀ..... ਕੋਈ ਦੱਸਦਾ ਖ਼ੁਦ ਨੂੰ ਮਾਝੇ ਦਾ, ਕੋਈ ਫਿਰੇ ਦੁਆਬੀਆ ਜੱਟ ਬਣਿਆ ਅਸੀਂ ਰੋਗ ਨੂੰ ਨਹੀਂ ਪਛਾਣ ਸਕੇ, ਹਰ ਜ਼ਖ਼ਮ ਹੀ ਡੂੰਘਾ ਫੱਟ ਬਣਿਆ ਕਈ ਵਾਰੀ ਮੈਨੂੰ ਇੰਝ ਲੱਗਦਾ, ਜਿਓਂ ਵੈਦ ਵੀ ਸਾਥੋਂ ਆਕੀ ਏ ਅਸੀਂ ਧਰਤੀ, ਪਾਣੀ..... ਜਿਨ੍ਹਾਂ ਪਾਈਆਂ ਫੁੱਟਾਂ ਸਾਡੇ ਵਿੱਚ, ਓਹ ਖੁਸ਼ ਹੁੰਦੇ ਨੇ ਜਿੱਤਾਂ ਤੇ ਜੇ ਹੁਣ ਵੀ ਆਪਾਂ ਸੰਭਲੇ ਨਾ, ਰਹਿਣੇ ਵੱਜਦੇ ਡਾਕੇ ਹਿੱਤਾਂ ਤੇ ਕੁਝ ਗ਼ੈਰਾਂ ਨੇ ਕਿੜ ਕੱਢੀ ਆ, ਕੁਝ 'ਕੰਗ' ਵੀ ਕਰੀ ਨਲਾਇਕੀ ਏ ਅਸੀਂ ਧਰਤੀ, ਪਾਣੀ ਵੰਡ ਲਏ ਨੇ, ਅਜੇ ਹੋਰ ਕੀ ਵੰਡਣਾ ਬਾਕੀ ਏ ਇਹ ਸਹਿਜ ਸੁਭਾਅ ਦਾ ਕਾਰਾ ਏ, ਜਾਂ ਨਫ਼ਰਤ ਭਰੀ ਚਲਾਕੀ ਏ ਅਸੀਂ ਧਰਤੀ, ਪਾਣੀ ਵੰਡ ਲਏ ਨੇ, ਅਜੇ ਹੋਰ ਕੀ ਵੰਡਣਾ ਬਾਕੀ ਏ... .... ਕਮਲ ਕੰਗ ਜੁਲਾਈ ੨੦੧੯

ਗੀਤ - ਸੱਚੀਆਂ ਮੁਹੱਬਤਾਂ.......

ਸੱਚੀਆਂ ਮੁਹੱਬਤਾਂ ਭੇਤ ਸੱਚੀਆਂ ਮੁਹੱਬਤਾਂ ਦੇ ਖੁੱਲ੍ਹ ਗਏ,  ਸੱਜਣ ਜੀ ਕੀ ਕਰੀਏ ਹੰਝੂ ਰੱਤ ਰੰਗੇ ਗੱਲ੍ਹਾਂ ਉੱਤੇ ਡੁੱਲ੍ਹ ਗਏ,  ਸੱਜਣ ਜੀ ਕੀ ਕਰੀਏ ਭੇਤ ਸੱਚੀਆਂ ਮੁਹੱਬਤਾਂ… ਪਿਆਰ ਦਿਆਂ ਵੈਰੀਆਂ ਨੇ, ਸੂਹ ਕਿੱਥੋਂ ਕੱਢ ਲਈ ਚੰਗੇ ਭਲੇ ਮਾਣਦੇ ਸੀ, ਮੌਜਾਂ ਜਦੋਂ ਬਿੱਜ ਪਈ ਅਸੀਂ ਚੰਦਰੇ ਜਮਾਨੇ ਨੂੰ ਸੀ ਭੁੱਲ ਗਏ,  ਸੱਜਣ ਜੀ ਕੀ ਕਰੀਏ ਭੇਤ ਸੱਚੀਆਂ ਮੁਹੱਬਤਾਂ… ਸੋਚਿਆ ਨਹੀਂ ਸੀ ਦਿਨ, ਇਹੋ ਜਿਹੇ ਆਉਣਗੇ ਖਾਬ ਜੋ ਅਧੂਰੇ ਰਹਿਗੇ, ਮਿੱਟੀ 'ਚ ਮਿਲਾਉਣਗੇ ਲੋਕੀਂ ਪੈਰਾਂ ਹੇਠ ਰੋਲ਼ਣੇ ਤੇ ਤੁੱਲ ਗਏ,  ਸੱਜਣ ਜੀ ਕੀ ਕਰੀਏ ਭੇਤ ਸੱਚੀਆਂ ਮੁਹੱਬਤਾਂ… ਭਾਵੇਂ ਇੱਕ ਥਾਂ ਤੇ ਰਹੀਏ, ਭਾਵੇਂ ਵੱਖ ਵੱਖ 'ਕੰਗ' ਸਾਡੀ ਇੱਕ ਜ਼ਿੰਦ-ਜਾਨ, ਸਾਡੇ ਇੱਕੋ ਰੰਗ ਢੰਗ ਸਾਨੂੰ ਵੰਡਣੇ ਵਾਲੇ ਤਾਂ ਖੁਦ ਰੁਲ਼ ਗਏ,  ਸੱਜਣ ਜੀ ਕੀ ਕਰੀਏ ਭੇਤ ਸੱਚੀਆਂ ਮੁਹੱਬਤਾਂ ਦੇ ਖੁੱਲ੍ਹ ਗਏ,  ਸੱਜਣ ਜੀ ਕੀ ਕਰੀਏ ਹੰਝੂ ਰੱਤ ਰੰਗੇ ਗੱਲ੍ਹਾਂ ਉੱਤੇ ਡੁੱਲ੍ਹ ਗਏ,  ਸੱਜਣ ਜੀ ਕੀ ਕਰੀਏ ਭੇਤ ਸੱਚੀਆਂ ਮੁਹੱਬਤਾਂ…

ਗੀਤ - ਤੂੰ ਬਣਕੇ ਸਾਧ…

ਤੂੰ ਬਣਕੇ ਸਾਧ… ਗਾਇਕਾ: ਬੈਠਾ ਰਹਿਨਾਂ ਘਰ ਵਿੱਚ ਵੜ ਕੇ ਕੀ ਮਿਲਿਆ ਵੇ ਐਨਾ ਪੜ੍ਹ ਕੇ ਜੇ ਨਹੀਂ ਮਿਲੀ ਨੌਕਰੀ ਤੈਨੂੰ, ਹੋਰ ਕੋਈ ਜੁਗਤ ਲੜਾ ਲੈ ਵੇ ਤੂੰ ਬਣ ਕੇ ਸਾਧ ਜਾਂ ਲੀਡਰ, ਕੋਰੇ ਨੋਟ ਬਣਾ ਲੈ ਵੇ ਤੂੰ ਬਣ ਕੇ ਸਾਧ… ਗਾਇਕ: ਮੇਰਾ ਅਜੇ ਜ਼ਮੀਰ ਨਹੀਂ ਮੋਇਆ ਤੇਰੀ ਮੱਤ ਨੂੰ ਕੀ ਏ ਹੋਇਆ ਕੋਈ ਕਰ ਤੂੰ ਗੱਲ ਨੀ ਚੰਗੀ, ਮੈਂ ਕੋਈ ਮਾੜਾ ਨਹੀਂ ਮਰਦਾ ਇਹਨਾਂ ਪੁੱਠੇ ਕੰਮਾਂ ਬਾਝੋਂ, ਨੀ ਮੇਰਾ ਉਂਝ ਹੀ ਹੈ ਸਰਦਾ ਇਹਨਾਂ ਪੁੱਠੇ ਕੰਮਾਂ… ਗਾਇਕਾ: ਚੇਲੇ ਰੱਖ ਲੈ ਤੂੰ ਪੰਜ ਸੱਤ ਵੇ, ਛੱਡੀ ਚੱਲ ਗੱਪਾਂ ਦੇ ਸੱਪ ਵੇ ਮਿਲਜੂ ਸੇਵਾ ਦਾ ਵੀ ਫਲ਼ ਵੇ, ਕੁੱਟੀ ਜਾਓ ਢੋਲਕੀ ਰਲ਼ ਕੇ ਗਲ਼ ਪਾ ਮਣਕਿਆਂ ਦੀ ਮਾਲ਼ਾ, ਸਿਰ ਦੇ ਵਾਲ਼ ਵਧਾ ਲੈ ਵੇ ਤੂੰ ਬਣ ਕੇ ਸਾਧ ਜਾਂ ਲੀਡਰ, ਕੋਰੇ ਨੋਟ ਬਣਾ ਲੈ ਵੇ ਤੂੰ ਬਣ ਕੇ ਸਾਧ… ਗਾਇਕ: ਮੇਰੇ ਮੂੰਹ ਵੱਲ ਜਰਾ ਤੂੰ ਵੇਖ, ਐਂਵੇ ਲਾ ਨਾ ਰੇਖ 'ਚ ਮੇਖ ਮੈਨੂੰ ਪੈ ਜਾਣਾ ਫਿਰ ਭੱਜਣਾ, ਮੈਂਥੋਂ ਵਾਜਾ ਨਹੀਂਓ ਵੱਜਣਾ ਮੈਂ ਅਮਲੀ ਹੋ ਗਿਆਂ ਚਿਰ ਦਾ, ਲਾਉਣਾ ਪੈਂਦਾ ਹੈ ਜਰਦਾ ਇਹਨਾਂ ਪੁੱਠੇ ਕੰਮਾਂ ਬਾਝੋਂ, ਨੀ ਮੇਰਾ ਉਂਝ ਹੀ ਹੈ ਸਰਦਾ ਇਹਨਾਂ ਪੁੱਠੇ ਕੰਮਾਂ… ਗਾਇਕਾ: ਬੋਲ ਸਟੇਜ ਤੇ ਵਾਂਗ ਸਪੀਕਰ, ਬਣ ਜਾਣਾ ਫਿਰ ਤੂੰ ਲੀਡਰ ਜਦ ਮਿਲ਼ ਗਈ ਤੈਨੂੰ ਸੀਟ, ਮਿਲ਼ ਜਾਣੀ ਏ ਇੱਕ ਜੀਪ ਗੰਨ ਮੈਨ ਨੂੰ ਲੈ ਕੇ ਨਾਲ, ਵੇ ਬੱਤੀ ਲਾਲ ਜਗਾ ਲੈ ਵੇ ਤੂੰ ਬਣ ਕੇ ਸਾਧ ਜਾਂ ਲੀਡਰ, ਕੋਰੇ ਨੋਟ ਬਣਾ ਲੈ ਵੇ ਤੂੰ ਬਣ ਕੇ ਸਾਧ… ਗਾਇਕ: ਲੀਡਰ ਬਣਨਾਂ ਨਹੀਂ ਏ ਸੌ

ਗੀਤ - ਮੈਨੂੰ ਪਲ ਭਰ ਜੀਣ ਨਾ ਦੇਵੇ

ਮੈਨੂੰ ਪਲ ਭਰ ਜੀਣ ਨਾ ਦੇਵੇ ਨੀ ਇਕ ਤੇਰੀ ਯਾਦ ਚੰਦਰੀ, ਮੈਨੂੰ ਪਲ ਭਰ ਜੀਣ ਨਾ ਦੇਵੇ ਫੱਟ ਜਿਗਰ ਤੇ ਤੂੰ ਜੋ ਲਾਏ, ਉਨ੍ਹਾਂ ਨੂੰ ਸੀਣ੍ਹ ਨਾ ਦੇਵੇ ਨੀ ਇਕ ਤੇਰੀ ਯਾਦ ਚੰਦਰੀ ਨਾਲ਼ ਹਵਾ ਦੇ ਯਾਦ ਤੇਰੀ ਜਦ, ਆ ਬੂਹਾ ਖੜਕਾਵੇ ਉਠ ਮੈਂ ਵੇਖਾਂ ਕਿਤੇ ਵਿਚਾਰੀ, ਮੁੜ ਨਾ ਖਾਲੀ ਜਾਵੇ ਲੈ ਜਾਵੇ ਦੋ ਹੰਝੂ ਮੇਰੇ ਦੇ ਜਾਵੇ ਦੋ ਹਓਕੇ ਤੇਰੇ ਪਾਉਂਦੀ ਰਹੇ ਪਰ ਰੋਜ਼ ਹੀ ਫੇਰੇ ਫੱਟ ਜਿਗਰ ਤੇ ਤੂੰ ਜੋ ਲਾਏ, ਉਨ੍ਹਾਂ ਨੂੰ ਸੀਣ੍ਹ ਨਾ ਦੇਵੇ ਨੀ ਇਕ ਤੇਰੀ ਯਾਦ ਚੰਦਰੀ ਰੰਗਾਂ ਦੀ ਇਸ ਦੁਨੀਆਂ ਅੰਦਰ, ਬਿਨ ਰੰਗਾਂ ਤੋਂ ਬੈਠਾ ਹਾਂ ਤੂੰ ਹੀ ਮੰਗ ਸੀ ਮੇਰੀ ਇਕੋ, ਬਿਨ ਮੰਗਾਂ ਤੋਂ ਬੈਠਾ ਹਾਂ ਜਿੱਥੇ ਹੋਵੇਂ ਖੁਸ਼ ਤੂੰ ਹੋਵੇਂ ਮੇਰੇ ਵਾਂਗੂੰ ਦੁੱਖ ਨਾ ਰੋਵੇਂ ਖਾਬਾਂ ਵਿੱਚ ਆ ਕੋਲ਼ ਖਲੋਵੇਂ ਫੱਟ ਜਿਗਰ ਤੇ ਤੂੰ ਜੋ ਲਾਏ, ਉਨ੍ਹਾਂ ਨੂੰ ਸੀਣ੍ਹ ਨਾ ਦੇਵੇ ਨੀ ਇਕ ਤੇਰੀ ਯਾਦ ਚੰਦਰੀ ਸ਼ੀਸ਼ੇ ਅੱਗੇ ਜਦ ਵੀ ਖੜ੍ਹਦਾਂ, ਤੈਨੂੰ ਖੁਦ 'ਚੋਂ ਵੇਖਾਂ ਮੈਂ ਆਪਣੇ ਆਪ 'ਚ ਬਣਿਆਂ ਫਿਰਦਾ, ਆਪੇ 'ਕੰਗ' ਭੁਲੇਖਾ ਮੈਂ ਤੇਰੇ ਨਾਲ਼ ਹੀ ਮੇਰੇ ਸਾਹ ਨੇ ਸਾਹ ਹੀ ਤੇਰੇ ਯਾਰ ਗਵਾਹ ਨੇ ਯਾਦਾਂ ਦੇ ਇਹ ਖੈਰ-ਖੁਹਾਅ ਨੇ ਫੱਟ ਜਿਗਰ ਤੇ ਤੂੰ ਜੋ ਲਾਏ, ਉਨ੍ਹਾਂ ਨੂੰ ਸੀਣ੍ਹ ਨਾ ਦੇਵੇ ਨੀ ਇਕ ਤੇਰੀ ਯਾਦ ਚੰਦਰੀ, ਮੈਨੂੰ ਪਲ ਭਰ ਜੀਣ ਨਾ ਦੇਵੇ ਨੀ ਇਕ ਤੇਰੀ ਯਾਦ ਚੰਦਰੀ 21 ਜੁਲਾਈ 2008

ਗੀਤ - ਪੀਤਾ ਖੂਨ ਦਰਿੰਦਿਆਂ ਨੇ ਜਦ

ਕੁਝ ਸਾਲ ਪਹਿਲਾਂ ਇਹ ਸ਼ਬਦ ਜੂਨ 1984 ਦੇ ਸ਼ਹੀਦਾਂ ਸਨਮੁਖ ਅਰਪਣ ਕੀਤੇ ਸਨ, ਪੇਸ਼ ਹਨ ਤੁਹਾਡੀ ਨਜ਼ਰ: ਪੀਤਾ ਖੂਨ ਦਰਿੰਦਿਆਂ ਨੇ ਸ਼ਿਅਰ: ਸੁੱਕਣੇ ਨਾ ਜ਼ਖ਼ਮ ਚੁਰਾਸੀ ਦੇ ਸਾਡੇ,  ਲੱਖ ਮੱਲ੍ਹਮ ਵੀ ਭਾਂਵੇਂ ਲਗਾਵੇ ਜੀ ਕੋਈ ਅੱਖ ਤਾਂ ਹਾਏ ਪਾਪੀ ਲੋਕਾਂ ਦੀ 'ਕੰਗ'ਵੇ, ਨਾ ਰੋਣੀ ਕਦੇ ਵੀ ਨਾ ਪਹਿਲਾਂ ਹੀ ਰੋਈ ਆਓ ਕਰੀਏ ਹਮੇਸ਼ਾਂ ਸ਼ਹੀਦਾਂ ਨੂੰ ਚੇਤੇ, ਖਿੜ੍ਹਦੀ ਰਹੇਗੀ ਤਾਂਈਓ ਖੁਸ਼ਬੋਈ ਚਮਕਣਗੇ ਸਿੱਖੀ ਤੇ ਤਾਰੇ ਉਹ ਬਣਕੇ, ਜਿਨ੍ਹਾਂ ਜਾਨ ਸਿੱਖੀ ਦੇ ਮਹਿਲਾਂ ਵਿੱਚ ਬੋਈ ਗੀਤ: ਜ਼ਿੰਦਗੀਆਂ ਸੀ ਰਾਖ ਬਣਾਈਆਂ                                         ਜੀਂਦੇ ਜੀਅ ਜਦ ਅੱਗਾਂ ਲਾਈਆਂ ਮਾਵਾਂ ਭੈਣਾਂ ਸੀ ਤੜਫਾਈਆਂ, ਪੁੱਤਰ, ਵੀਰੇ ਕੋਹ ਕੋਹ ਕੇ ਪੀਤਾ ਖੂਨ ਦਰਿੰਦਿਆਂ ਨੇ ਜਦ, ਆਂਦਰਾਂ ਕੋਲ਼ੋਂ ਖੋਹ ਖੋਹ ਕੇ ਪੀਤਾ ਖੂਨ… ਮਾਰ ਕੇ ਦੱਸ ਮਨੁੱਖਤਾ ਨੂੰ ਹਾਏ, ਕੀ ਜਰਵਾਣਿਓ ਪਾ ਲਿਆ ਸੀ ਪਾਪ ਦੀ ਚੌਧਰ ਕੋਹੜ ਕਲੰਕ ਦਾ, ਮੱਥੇ ਤੇ ਲਗਵਾ ਲਿਆ ਸੀ ਹੱਕ ਤੇ ਸੱਚ ਨੂੰ ਮਾਰਿਆ ਸੀ ਤੁਸੀਂ, ਖੂੰਜਾ ਖੂੰਜਾ ਟੋਹ ਟੋਹ ਕੇ ਪੀਤਾ ਖੂਨ ਦਰਿੰਦਿਆਂ ਨੇ ਜਦ, ਆਂਦਰਾਂ ਕੋਲ਼ੋਂ ਖੋਹ ਖੋਹ ਕੇ ਪੀਤਾ ਖੂਨ… ਗਲ਼ ਵਿੱਚ ਪਾ ਪਾ ਟੈਰਾਂ ਨੂੰ ਹਾਏ, ਤੇਲ ਉੱਤੇ ਤੁਸੀਂ ਸੁੱਟਦੇ ਸੀ ਕੰਜਕਾਂ ਕੂੰਜ ਕੁਆਰੀਆਂ ਦੀ ਪੱਤ, ਬਣ ਕੇ ਪਾਪੀ ਲੁੱਟਦੇ ਸੀ ਬਚ ਗਈਆਂ ਜੋ ਭਾਂਬੜ ਵਿੱਚੋਂ, ਜੀਅ ਰਹੀਆਂ ਨੇ ਮੋਅ ਮੋਅ ਕੇ ਪੀਤਾ ਖੂਨ ਦਰਿੰਦਿਆਂ ਨੇ ਜਦ, ਆਂਦਰਾਂ ਕੋਲ਼ੋਂ ਖੋਹ ਖੋਹ ਕੇ ਪੀਤਾ ਖੂਨ… ਬੁੱਢੇ ਬਾਪ

ਗੀਤ - ਯਾਦ ਆਵੇ ਵਤਨਾਂ ਦੀ.......

ਸ਼ਿਅਰ: ਵਰ੍ਹੇ ਹੋਏ ਪਰਦੇਸੀਂ ਆਇਆ, ਤੇ ਮੈਂ ਬਣ ਬੈਠਾ ਪਰਦੇਸੀ ਦਿਲ ਕਰਦਾ ਮੁੜ ਵਤਨੀਂ ਜਾਵਾਂ, ਬਣ ਜਾਵਾਂ ਮੁੜ ਦੇਸੀ ਗੀਤ: ਯਾਦ ਆਵੇ ਵਤਨਾਂ ਦੀ, ਹਾਏ ਨੀਂਦ ਨਾ ਆਵੇ ਰਾਤੀਂ ਅੱਖੀਂ ਦੇਖਾਂ ਜਾ ਕੇ ਮੈਂ, ਦਿਲ ਹੋ ਗਿਆ ਏ ਜਜ਼ਬਾਤੀ ਯਾਦ ਆਵੇ ਵਤਨਾਂ ਦੀ,… ਇੱਕ ਸੁਫਨਾ ਆਇਆ ਸੀ, ਅੱਖ ਲੱਗੀ ਪਹਿਰ ਦੇ ਤੜਕੇ, ਮਾਪੇ ਕਰਨ ਉਡੀਕਾਂ ਪਏ, ਬੋਲੇ ਹੱਥ 'ਚ ਕਾਲਜਾ ਫੜਕੇ ਕਹਿੰਦੇ ਉਮਰਾਂ ਬੀਤ ਗਈਆਂ, ਪੁੱਤਰਾ ਸਾਡੀ ਯਾਦ ਭੁਲਾਤੀ ਯਾਦ ਆਵੇ ਵਤਨਾਂ ਦੀ,… ਵੀਰਾ ਕਦ ਤੂੰ ਆਉਣਾ ਏ, ਛੋਟੀ ਭੈਣ ਵਾਸਤੇ ਪਾਉਂਦੀ, ਛੇਤੀਂ ਆ ਕੇ ਮਿਲ਼ਜਾ ਵੇ, ਸਿੱਲੀਆਂ ਅੱਖਾਂ ਫਿਰੇ ਛੁਪਾਉਂਦੀ ਦਿਲ ਗਿਆ ਚੀਰਿਆ ਹਾਏ, ਰੱਖੜੀ ਓਹਨੇ ਯਾਦ ਕਰਾਤੀ ਯਾਦ ਆਵੇ ਵਤਨਾਂ ਦੀ,… ਮੈਂ ਤੇਰੇ ਸਿਰ ਤੇ ਉੱਡਦਾ ਸੀ, ਵੀਰਾ ਜਦ ਸਾਂ ਚੌਧਰ ਕਰਦਾ, ਹੁੰਦੇ ਇੱਕ ਤੇ ਇੱਕ ਗਿਆਰਾਂ, ਫਿਰਦਾ ਹਾਂ ਹੁਣ ਕੱਲਾ ਡਰਦਾ ਬਾਪੂ ਦੀ ਗੱਲ ਕਹੀਓ ਹਾਏ, ਛੋਟੇ ਵੀਰ ਨੇ ਫੇਰ ਸੁਣਾਤੀ ਯਾਦ ਆਵੇ ਵਤਨਾਂ ਦੀ,… ਹੱਥ ਡੀਕਣ ਮਹਿੰਦੀ ਲਈ, ਬਾਹਵਾਂ ਤਰਸਣ ਚੂੜੇ ਲਈ ਵੇ, ਨਿੱਤ ਕਰਾਂ ਉਡੀਕਾਂ ਮੈਂ, ਬਨੇਰੇ ਬੋਲੇ ਅੱਜ ਕਾਂ ਕਈ ਵੇ ਓਹਦਾ ਜੋਬਨ ਲੰਘ ਚੱਲਿਆ, ਰਮਜ਼ਾਂ ਨਾਲ ਸੀ ਗੱਲ ਸਮਝਾਤੀ ਯਾਦ ਆਵੇ ਵਤਨਾਂ ਦੀ,… ਇੱਥੇ ਸਭ ਕੁਝ ਮਿਲਦਾ ਏ, ਇੱਕ ਮਾਂ ਨਹੀਂ ਮਿਲਦੀ ਅੰਮੀਏ, ਆਪਣਾ ਦੇਸ ਆਪਣਾ ਏ, ਉੱਥੇ ਮਰ ਜਾਈਏ ਜਿੱਥੇ ਜੰਮੀਏ ਦਿਲ ਦਰਦਾਂ ਹੇਠ ਦੱਬਿਆ, ਨਾ ਕੋਈ ਮਿਲਦਾ ਸੰਗੀ ਸਾਥੀ ਯਾਦ ਆਵੇ ਵਤਨਾਂ ਦੀ,… ਉੱਠ ਛੇਤੀਂ ਕਰ ਮਨ ਵੇ, ਜ

ਗੀਤ - ਸੱਧਰਾਂ ਦੇ ਦੀਪ.............

ਸੱਧਰਾਂ ਦੇ ਦੀਪ ਉੱਡ ਗਈ ਏ ਨੀਂਦ ਮੇਰੀ, ਲੱਗਦੀ ਨਾ ਭੁੱਖ ਵੇ ਤੇਰੇ ਬਿਨਾਂ ਸੁੱਖ ਸਾਰੇ, ਬਣ ਗਏ ਨੇ ਦੁੱਖ ਵੇ ਕਿਹੜੇ ਜਨਮਾਂ ਦਾ ਵੈਰ ਵੇ ਤੂੰ ਕੱਢਿਆ, ਵਿਛੋੜੇ ਵਾਲ਼ਾ ਲਾ ਕੇ ਡੰਨ ਵੇ ਵੇ ਮੈਂ ਸੱਧਰਾਂ ਦੇ ਦੀਪ ਜਗਾਵਾਂ, ਆਉਂਦਾ ਨਹੀਂਓ ਤੂੰ ਚੰਨ ਵੇ ਕਾਹਤੋਂ ਖੁਦ ਨੂੰ ਬਣਾਇਆ, ਸਾਡੇ ਲਈ ਨਾਸੂਰ ਵੇ ਐਡੀ ਕੀ ਸੀ ਮਜਬੂਰੀ, ਸਾਥੋਂ ਹੋਇਆ ਦੂਰ ਵੇ ਤੇਰੀ ਆਉਂਦੀ ਬੜੀ ਯਾਦ, ਕੀਹਨੂੰ ਕਰਾਂ ਫਰਿਆਦ ਜੀਹਨੇ ਮੰਨਣੀ ਸੀ ਗੱਲ ਮੇਰੇ ਦਿਲ ਦੀ, ਨਾ ਕਰੇ ਸਾਡੇ ਵੱਲ ਕੰਨ ਵੇ ਵੇ ਮੈਂ ਸੱਧਰਾਂ ਦੇ ਦੀਪ ਜਗਾਵਾਂ, ਆਉਂਦਾ ਨਹੀਂਓ ਤੂੰ ਚੰਨ ਵੇ ਆਸਾਂ ਦੀ ਦੀਵਾਰ ਸਾਡੀ, ਏਨੀ ਵੀ ਤਾਂ ਕੱਚੀ ਨਹੀਂ ਆਉਣ ਵਾਲੀ ਗੱਲ ਕਾਹਤੋਂ, ਹੁੰਦੀ ਹਾਏ ਸੱਚੀ ਨਹੀਂ ਇੱਕ ਖ਼ਤ ਤੇਰਾ ਆਇਆ, ਜੇਹੜਾ ਜਾ ਕੇ ਸੀ ਪਾਇਆ ਉਹਨੂੰ ਪੜ੍ਹ ਪੜ੍ਹ ਮੈਂ ਨਾ ਕਦੇ ਥੱਕਦੀ, ਨਾ ਠਰੇ ਕਦੇ ਮੇਰਾ ਮਨ ਵੇ ਵੇ ਮੈਂ ਸੱਧਰਾਂ ਦੇ ਦੀਪ ਜਗਾਵਾਂ, ਆਉਂਦਾ ਨਹੀਂਓ ਤੂੰ ਚੰਨ ਵੇ ਸਾਉਣ ਦਾ ਮਹੀਨਾ ਨਾਲੇ, ਤੀਆਂ ਗਈਆਂ ਬੀਤ ਵੇ ਲੋਚਦਾ ਏ ਦਿਲ ‘ਕੰਗ‘, ਸੁਣਾਂ ਤੇਰੇ ਗੀਤ ਵੇ ਕਰੇ ਚਿੱਤ ਤੈਨੂੰ ਛੋਹਾਂ, ਵੇ ਨਾ ਬਣ ਨਿਰਮੋਹਾ  ਜਿਵੇਂ ਫੁੱਲਾਂ ‘ਚ ਮਹਿਕ ਕੁਝ ਦਿਨ ਹੀ, ਇਹੋ ਜਿਹਾ ਰੂਪ ਧਨ ਵੇ ਵੇ ਮੈਂ ਸੱਧਰਾਂ ਦੇ ਦੀਪ ਜਗਾਵਾਂ, ਆਉਂਦਾ ਨਹੀਂਓ ਤੂੰ ਚੰਨ ਵੇ ਕਾਹਤੋਂ ਪਰਦੇਸਾਂ ਵਿੱਚ, ਗਿਆ ਤੂੰ ਨਿਮਾਣਿਆ ਵੇ ਦੁੱਖ ਮੇਰੇ ਦਿਲ ਦਾ ਨਾ, ‘ਕਮਲ‘ ਪਛਾਣਿਆ ਵੇ

ਗੀਤ - ਗੱਲ ਪਿਆਰ ਦੀ ਕਰਾਂ............

ਗੱਲ ਪਿਆਰ ਦੀ ਕਰਾਂ ਗੱਲ ਪਿਆਰ ਦੀ ਕਰਾਂ ਸੋਹਣੇ ਯਾਰ ਦੀ ਕਰਾਂ ਜਿਹੜਾ ਦੁਨੀਆਂ ‘ਚੋਂ ਸੋਹਣਾ ਦਿਲਦਾਰ ਦੀ ਕਰਾਂ ਗੱਲ ਪਿਆਰ ਦੀ ਕਰਾਂ ਸੋਹਣੇ ਯਾਰ ਦੀ ਕਰਾਂ.... ਪੰਜਾਂ ਪਾਣੀਆਂ ਜਏ ਮਿੱਠੇ ਬੋਲ ਸ਼ਹਿਦ ਵਰਗੇ ਉਹਦੇ ਨੈਣਾਂ ਵਿੱਚ ਉਮਰਾਂ ਦੀ ਕੈਦ ਲੱਗ ਜੇ ਉਹਦਾ ਮੁੱਖ ਜਿਉਂ ਗੁਲਾਬ ਨੈਣਾਂ ਵਿੱਚ ਹੈ ਸ਼ਰਾਬ ਤਾਂਹੀਓ ਗੱਲ ਅੱਜ ਪਿਆਰ ਦੇ ਖੁਮਾਰ ਦੀ ਕਰਾਂ ਗੱਲ ਪਿਆਰ ਦੀ ਕਰਾਂ ਸੋਹਣੇ ਯਾਰ ਦੀ ਕਰਾਂ.... ਮੇਰੇ ਮੱਥੇ ਵਿੱਚ ਦਿਸੇ ਉਹਦੇ ਪਿਆਰ ਦੀ ਲਕੀਰ ਕਿਤੇ ਬਣਜੇ ਨਾ ਰਾਂਝੇ ਵਾਗੂੰ ਸੋਹਣਾ ਹਾਏ ਫਕੀਰ ਕੌਣ ਜਾਣਦਾ ਨਹੀਂ 'ਕੰਗ' ਏਸ ਇਸ਼ਕੇ ਦੇ ਰੰਗ ਤਾਂਹੀਓ ਗੱਲ ਅੱਜ ਓਸ ਦੀ ਨੁਹਾਰ ਦੀ ਕਰਾਂ ਗੱਲ ਪਿਆਰ ਦੀ ਕਰਾਂ ਸੋਹਣੇ ਯਾਰ ਦੀ ਕਰਾਂ.... ਉਹਦੇ ਗੀਤਾਂ ਵਿੱਚੋਂ ਪਵੇ ਸਦਾ ਮੇਰਾ ਝਲਕਾਰਾ ਮੇਰਾ ਰੱਬ ਜਿਹਾ ਯਾਰ ਮੈਨੂੰ ਜਾਨ ਤੋਂ ਪਿਆਰਾ ਤੇਰੇ ਨਾਲ ਇਹ ਸਰੂਰ ਹੋਵੀਂ ਸੱਜਣਾ ਨਾ ਦੂਰ ਤਾਂਹੀਓ ਗੱਲ ਅੱਜ ਰੂਹਾਂ ਦੇ ਸ਼ਿੰਗਾਰ ਦੀ ਕਰਾਂ ਗੱਲ ਪਿਆਰ ਦੀ ਕਰਾਂ ਸੋਹਣੇ ਯਾਰ ਦੀ ਕਰਾਂ....

ਗੀਤ - ਦਿਲ ਨਾ ਦੁਖਾਇਓ ਯਾਰੋ.........

ਦਿਲ ਨਾ ਦੁਖਾਇਓ ਯਾਰੋ ਦਿਲ ਨਾ ਦੁਖਾਇਓ ਯਾਰੋ, ਕਿਸੇ ਇਨਸਾਨ ਦਾ ਬੰਦਾ ਇੱਥੇ ਬੰਦੇ ਦੇ, ਕੰਮ ਸਦਾ ਆਂਵਦਾ ਬੰਦਾ ਇੱਥੇ ਬੰਦੇ ਦੇ, ਯਾਰੋ ਕੰਮ ਆਂਵਦਾ ਦੁਨੀਆਂ ਤੇ ਹਰ ਕੋਈ, ਇੱਕ ਵਾਰ ਆਉਂਦਾ ਏ ਚੰਗੇ ਮੰਦੇ ਕੰਮ ਕਰ, ਨਾਮ ਕਮਾਉਂਦਾ ਏ ਤੁਰ ਇੱਥੋਂ ਹਰ ਕੋਈ, ਇੱਕ ਦਿਨ ਜਾਂਵਦਾ ਦਿਲ ਨਾ ਦੁਖਾਇਓ ਯਾਰੋ, ਕਿਸੇ ਇਨਸਾਨ ਦਾ ਬੰਦਾ ਇੱਥੇ ਬੰਦੇ ਦੇ, ਕੰਮ ਸਦਾ ਆਂਵਦਾ ਬੰਦਾ ਇੱਥੇ ਬੰਦੇ ਦੇ, ਯਾਰੋ ਕੰਮ ਆਂਵਦਾ ਪਿਆਰ ਤੇ ਮੁਹੱਬਤਾਂ ਦਾ, ਜਿਸ ਕੋਲ਼ ਖੇੜਾ ਏ ਓਹਦੇ ਦਿਲ ਵਿੱਚ ਰੱਬ, ਪਾਉਂਦਾ ਨਿੱਤ ਫੇਰਾ ਏ ਬਣ ਜਾਵੇ ਬੰਦਾ ਖੁਦ, ਰੂਪ ਭਗਵਾਨ ਦਾ ਦਿਲ ਨਾ ਦੁਖਾਇਓ ਯਾਰੋ, ਕਿਸੇ ਇਨਸਾਨ ਦਾ ਬੰਦਾ ਇੱਥੇ ਬੰਦੇ ਦੇ, ਕੰਮ ਸਦਾ ਆਂਵਦਾ ਬੰਦਾ ਇੱਥੇ ਬੰਦੇ ਦੇ, ਯਾਰੋ ਕੰਮ ਆਂਵਦਾ ਦੁਨੀਆਂ ਤੇ ਬੜਾ ਕੁਝ, ਨਿੱਤ ਹੁੰਦਾ ਰਹਿੰਦਾ ਏ ਸ਼ੀਸ਼ਾ ਤੇ ਜਨਾਬ ਸਦਾ, ਸੱਚੀ ਗੱਲ ਕਹਿੰਦਾ ਏ ਖੂਹ ਜਿਉਂ ਅਵਾਜ਼ਾ ਅੱਗੋਂ, ਓਹੋ ਹੀ ਲਗਾਂਵਦਾ ਦਿਲ ਨਾ ਦੁਖਾਇਓ ਯਾਰੋ, ਕਿਸੇ ਇਨਸਾਨ ਦਾ ਬੰਦਾ ਇੱਥੇ ਬੰਦੇ ਦੇ, ਕੰਮ ਸਦਾ ਆਂਵਦਾ ਬੰਦਾ ਇੱਥੇ ਬੰਦੇ ਦੇ, ਯਾਰੋ ਕੰਮ ਆਂਵਦਾ ਸ਼ੋਹਰਤਾਂ ਤਾਂ ਹੁੰਦੀਆਂ ਨੇ, ਪੈਰਾਂ ਵਿੱਚ ਬੇੜੀਆਂ ਅੱਜ ਤੇਰੇ ਕੱਲ੍ਹ ਮੇਰੇ, ਦਰ ਪਾਉਣ ਫੇਰੀਆਂ ਸੁਣ ਲੈ 'ਕਮਲ' ਗੱਲ, ਜੱਗ ਹੈ ਸੁਣਾਂਵਦਾ ਦਿਲ ਨਾ ਦੁਖਾਇਓ ਯਾਰੋ, ਕਿਸੇ ਇਨਸਾਨ ਦਾ ਬੰਦਾ ਇੱਥੇ ਬੰਦੇ ਦੇ, ਕੰਮ ਸਦਾ ਆਂਵਦਾ ਬੰਦਾ